شاہد خان آفریدی ٹی ٹوئنٹی کرکٹ کے لئے کپتان مقرر -
The news is by your side.

Advertisement

شاہد خان آفریدی ٹی ٹوئنٹی کرکٹ کے لئے کپتان مقرر

لاہور: نوجوانوں کے کھیل ٹی ٹوئنٹی کرکٹ کے لئے چونیتس سالہ شاہد آفریدی کو کپتان مقررکردیا گیا۔ بوم بوم آفریدی مختصر فارمیٹ میں ہزار سے زائد رنز اور پچاس سے زائد وکٹ حاصل کرنے والے دنیا کے واحد کھلاڑی ہیں۔

پی سی بی نے ورلڈ ٹی ٹوئنٹی دو ہزار سولہ تک شاہد آفریدی کو ٹیم کا کپتان مقرر کردیا ہے، یہ پہلا موقع ہے کہ آفریدی ورلڈ ٹی ٹوئنٹی میں قومی دستے کی کمان سنمبھالیں گے۔

آفریدی ٹی ٹوئنٹی فارمیٹ میں دنیا کے عمر رسیدہ کپتان بھی ہیں۔ چونتیس سالہ شاہد آفریدی ٹی ٹوئنٹی فارمیٹ میں گزشتہ دو سالوں سے کوئی نصف سینچری اسکور نہیں کرسکے ہیں۔

آخری بار آفریدی نے تین جون دو ہزار بارہ کو سری لنکا کے خلاف میچ میں باون رنز اسکور کیے تھے۔ بوم بوم آفریدی کا ماضی میں ٹی ٹوئنٹی کی کپتانی کا ریکارڈ زیادہ متاثر کن نہیں ہے۔

انہوں نے دو ہزار نو سے دو ہزار گیارہ تک انیس میچز میں ٹیم کی قیادت کی جس میں سے آٹھ میں کامیابی حاصل کی جبکہ گیارہ میں شکست کا سامنا کرنا پڑا۔

اسٹار آل راؤنڈر کو مختصر فارمیٹ میں سب سے زیادہ نو مین آف میچز حاصل کرنے کا اعزاز حاصل ہے جبکہ اس فارمیٹ میں چوہتر میچز کھیل کر چار نصف سینچریوں کی بدولت ایک ہزار ایک سو بارہ رنز اسکور کیے جبکہ ستتر وکٹیں بھی اپنے نام کی ہیں۔

Comments

comments

یہ بھی پڑھیں