شاہ زیب قتل کیس فوجی عدالت بھیجے جانے کا امکان -
The news is by your side.

Advertisement

شاہ زیب قتل کیس فوجی عدالت بھیجے جانے کا امکان

اسلام آباد : حکومت شاہ زیب خان کے قتل کے ملزمان شاہ رخ جتوئی اور دیگر کامقدمہ فوجی عدالت بھیجنے پر غور کررہی ہے۔

تفصیلات کے مطابق ذرائع کا کہنا ہے کہ حکومت شاہ زیب قتل کیس کے مرکزی ملزم شاہ رخ جتوئی اوراس کے ساتھیوں کا مقدمہ فوجی عدالت بھیجے جانے پر غورکررہی ہے۔

ذرائع کا یہ بھی کہنا ہے کہ پیپلزپارٹی کی قیادت اور شاہ رخ جتوئی کے والدین نے معافی کیلئے وفاق سے رابطہ کیا لیکن وفاقی حکومت نے شاہ رخ جتوئی کو معاف کرنے سے معذرت کرلی ہے۔

شاہ رخ جتوئی نے پچیس دسمبر دو ہزار با رہ میں پو لیس افسر کے اکلوتے بیٹے شاہ زیب کو بہن کوچھیڑنے سے منع کرنے پر قتل کردیا تھا، قتل کے بعد ملزم شاہ رخ جتوئی ملک فرار ہوگیا تھا۔

سپریم کورٹ کی جانب سے ازخود نوٹس لینے پرملزم گرفتار ہوا،عدالت سے سزا کے بعد شاہ زیب کے والدین نے شاہ رخ کومعاف تو کر دیا لیکن معاملہ عدالت کے دائرہ اختیار میں بدستور مو جود ہے۔

Comments

comments

یہ بھی پڑھیں