بھٹ شاہ : شاہ عبدالطیف بھٹائی کا عرس آج سے شروع ہو رہا ہے، پیپلز پارٹی کی رہنما شرمیلا فاروقی نے صوفی بزرگ کے مزار پر حاضری دی اور چادر چڑھائی۔
سرزمینِ سندھ کے عظیم صوفی بزرگ شاہ عبدلطیف بھٹائی کا دوسو اکہترواں عرس عقیدت و احترام سے منایا جارہا ہے، گزشتہ دو صدیوں سے ان کا کلام تمبورا پرپڑھنے کی روایت آج بھی رائج ہے
برصغیر کے عظیم صوفی بزرگ اور شاعر حضرت شاہ عبدالطیف بھٹائی کے عرس کی تین روزہ تقریبات آج سے شروع ہورہی ہیں۔ عظیم صوفی بزرگ نے ساری زندگی لوگوں کو انسانیت کا درس دیا، ان کی تصنیف شاہ جو رسالو کا کئی زبانوں میں ترجمہ ہوچکا ہے۔
عرس کے موقع پاکستان پیپلز پارٹی کی رہنما شرمیلافاروقی نے صوفی بزرگ کے مزار پر حاضری دی اور چادر چڑھائی،شاہ عبدالطیف بھٹائی کا عرس ہر سال چودہ صفر کو مٹیاری کے علاقے بھٹ شاہ میں منایا جاتا ہے،عرس کے دوران صوفی بزرگ کے مزار پر ادبی محافل، ملاکھڑا کے مقابلے، زرعی نمائش اور راگ رنگ کی محفل بھی سجائی جاتی ہے،جبکہ مزار پر شاہ صاحب کے فقیر آپ کا کلام سناتے ہیں اور دھمال بھی ڈالتے ہیں ۔
