شرجیل میمن کی گھوسٹ ملازمین کوملازمتوں پرآنے کی ہدایت -
The news is by your side.

Advertisement

شرجیل میمن کی گھوسٹ ملازمین کوملازمتوں پرآنے کی ہدایت

کراچی: صوبائی وزیربلدیات شرجیل میمن نے واٹربورڈ کے گھوسٹ ملازمین کو متنبہ کیا ہے کہ وہ اپنی ملازمتوں پر آئیں نہ آنے کی صورت میں فائنل شوکازنوٹس دیکر ملازمتوں سے فارغ کردیا جائے گا۔

کراچی میں اپنے دفترمیں شہر میں پانی کی فراہمی کیلئے بنائی گئی سیاسی جماعتوں، بزنس کمیونٹی، صحافیوں پر مشتمل کمیٹی کے اجلاس کے بعد میڈیا سے بات چیت کرتے ہوئے ان کاکہنا تھا کہ واٹر بورڈ میں چار ہزاراضافی ملازمین ہیں، جو پانی کی تقسیم اور بلوں کی وصولی کا کام نہیں کررہے۔

ان کاکہنا تھا کہ حکومت نہیں چاہتی کہ کوئی بے روزگار ہو،لیکن اگر کوئی کام نہیں کرے گا تو کیا کیا جائے۔ شرجیل میمن نے کہا کہ واٹر بورڈ کی کمیٹی کے پاس پانی کی تقسیم، غیر قانونی ہائیڈرنٹس،اور قانونی ہائیڈرنٹس کو جانچنے کا بھی اختیار حاصل ہے، کمیٹی کو واٹر بورڈ کے عملے کے خلاف ایکشن لینے کا اختیار بھی دیا جائے گا۔

Comments

comments

یہ بھی پڑھیں