The news is by your side.

Advertisement

شریف برادران سمیت اہم شخصیات کے نام ای سی ایل میں ڈالنے کی درخواست دائر

لاہور: منہاج القرآن کے وکلاء  نےعدالتی حکم پر سانحہ ماڈل ٹاؤن کا مقدمہ درج کرنے کے لئے تھانے میں درخواست جمع کرادی جبکہ شریف برادران سمیت اہم شخصیات کے نام ای سی ایل میں ڈالنے کی درخواست بھی دائر کر دی گئی ہے۔

لاہورکی سیشن عدالت نے ہفتے کے روز منہاج القرآن کی درخواست پر فیصلہ سناتے ہوئے شریف برادران سمیت اکیس شخصیات کے خلاف سانحہ ماڈل ٹاؤن کا مقدمہ درج کرنے کا حکم دیا تھا، منہاج القرآن کے وکلا مقدمہ درج کرانے لاہور کے فیصل ٹاؤن تھانے پہنچے تو ایس ایچ او شریف سندھو موقع سے غائب تھے، جس پر وکلا نے سیشن جج کے آرڈر کی کاپی محرر کے حوالے کردی۔

لاہورکی سیشن عدالت میں شریف برادران، چوہدری نثار، مریم نواز سمیت اہم شخصیات کے نام ای سی ایل میں ڈالنے کی درخواست بھی دائر کردی گئی ہے۔

جس میں کہا گیا ہے عدالت نے وزیراعظم سمیت دیگر کے خلاف مقدمہ درج کرنے کا حکم دیا ہے، یہ تمام اہم حکومتی شخصیات ہیں، جو ملکی دستاویزات لے کر بیرون ملک فرار ہو سکتے ہیں، لہذا اِن کا نام ای سی ایل میں شامل کیا جائے۔

Print Friendly, PDF & Email

Comments

comments

یہ بھی پڑھیں