شریف برادران کو عوام سے کوئی دلچسپی نہیں، پرویز الٰہی -
The news is by your side.

Advertisement

شریف برادران کو عوام سے کوئی دلچسپی نہیں، پرویز الٰہی

گجرات : مسلم لیگ ق کے سینئر رہنماء چودھری پرویز الٰہی نے کہا ہے کہ شریف برادران کو عوام سے کوئی دلچسپی نہیں، وزیراعلٰی پنجاب لمبے بوٹ پہن کر سیلاب زدہ عوام کا مذاق اڑا رہے ہیں۔

گجرات کے سیلاب سے متاثرہ علاقوں کے دورے کے موقع پر میڈیا سے گفتگو کرتے ہوئے چودھری پرویز الٰہی کا کہنا تھا کہ وزیرِاعظم نواز شریف بھارتی وزیرِاعظم نریندر مودی کو آم بھجواتے رہے ہیں، بھارت نے سیلاب کی صورت میں تحفہ دیا ہے۔

انہوں نے کہا ہے کہ مسلم لیگ ن نے اپنے دورِ اقتدار میں دریاؤں کے بند پختہ کرنے پر کوئی توجہ نہیں دی، شہباز شریف لمبے بوٹ پہن کر سیلاب زدہ عوام کا مذاق اڑا رہے ہیں۔

پرویز الٰہی کا کہنا تھا کہ موجودہ حکمرانوں کی ترجیح عوام کی بجائے اقتدار کا تحفظ ہے، انہوں نے کہا ہے کہ انہوں نے اپنے دور میں عوام کی بھرپور خدمت کی، شریف برادران نے مہنگائی میں اضافہ کرکے عوام کی کمر توڑ دی ہے۔

Comments

comments

یہ بھی پڑھیں