site
stats
سندھ

شفیق تنولی قتل کیس، ملزمان کو گواہ نے شناخت کرلیا

کراچی : انسپکٹر شفیق تنولی قتل کیس کے تین ملزمان کو گواہ نے شناخت کر لیا۔ تفصیلات کے مطابق انسپکٹرشفیق تنولی کراچی کے علاقے پی آئی بی کالونی میں خودکش حملے میں جاں بحق ہوئے تھے۔

ملزمان ندیم خان، عابد علی اور نور رشید کو عینی شاہد نے عدالت میں شناخت کر لیا۔ عینی شاہد زخمی پولیس اہلکار ہے جو خود بھی دھماکےمیں زخمی ہواتھا۔

ملزمان انسداد دہشت گردی کی عدالت میں بیس جنوری تک ریمانڈ پر ہیں۔ خود کش حملے میں انسپکٹر شفیق تنولی سمیت چھ افراد جلال احمد، داؤد اور محمداعجاز جاں بحق ہوئے تھے جبکہ کانسٹیبل آصف زخمی ہوا تھا۔

پولیس کے مطابق دھماکہ شفیق تنولی کے گھر کے قریب واقع دکان میں کیا گیا،جہاں مقتول شفیق تنولی ساتھیوں کے ہمراہ بیٹھے تھے، ہلاک شدگان میں ان کے چچا اور کزن بھی شامل تھے۔

شہید شفیق تنولی نے اپنی ڈیوٹی کے دوران کالعدم تنظیموں اور گینگ وار کیخلاف بھرپور کارروائیاں کیں، پرانی سبزی منڈی پر ان پر یہ دوسرا جان لیوا حملہ تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top