شمالی وزیرستان: فضائی کارروائی، مزید 19دہشتگرد مارے گئے -
The news is by your side.

Advertisement

شمالی وزیرستان: فضائی کارروائی، مزید 19دہشتگرد مارے گئے

شمالی وزیرستان: آپریشن ضربِ عضب جاری ہے، پاک فوج کی فضائی کارروائی میں مزید انیس دہشتگرد مارے گئے ہیں۔

شمالی وزیرستان میں دہشتگردوں پرعضب کی تیز ضربوں کا سلسلہ جاری ہے، پاک فوج کےجوان آپریشن ضربِ عضب میں دہشتگردوں کا صفایا کرنے میں مصروف ہیں۔

آئی ایس پی آر کے مطابق تازہ فضائی کارروائی میں انیس دہشتگردوں کوانجام تک پہنچا دیا گیا ہے، کارروائی غلام خان، گربازاورپشت زیارت کےعلاقوں میں کی گئی۔

شمالی وزیرستان میں پاک فوج کے آپریشن کو سوروزسے زائد ہوگئے ہیں، اس دوران سینکڑوں دہشتگرد مارے گئے جبکہ دہشتگردی کے کئی ٹھکانوں کو راکھ کے ڈھیر میں تبدیل کر دیا گیا ہے۔

پاک فوج نے شمالی وزیرستان کے بیشترعلاقوں کا کنٹرول حاصل کرکے دہشتگردوں کے فرار کی راہیں مسدود کردی ہیں۔

Comments

comments

یہ بھی پڑھیں