شمالی وزیرستان: جیٹ طیاروں کی شیلنگ ،25 شدت پسند مارے گئے -
The news is by your side.

Advertisement

شمالی وزیرستان: جیٹ طیاروں کی شیلنگ ،25 شدت پسند مارے گئے

شمالی وزیرستان ایجنسی کے مختلف علاقوں میں سیکورٹی فورسز کی کارروائی میں پچیس شدت پسند ہلاک ہوگئے، ہنگو میں چیک پوسٹ پر نامعلوم افراد کی فائرنگ سے ایک سیکورٹی اہلکار جاں بحق ہوگیا۔

عسکری ذرائع کے مطابق شمالی وزیرستان ایجنسی کے مختلف علاقوں میں جیٹ طیاروں سے شدت پسندوں کے ٹھکانوں پر بڑی کارروائی کی گئی، جیٹ طیاروں کی بمباری میں پچیس شدت پسند مارے گئے ۔

سیکیورٹی ذرائع کے مطابق کارروائی میں ہلاک شدت پسند پشاور چرچ، قصہ خوانی بازار اور بنوں میں سکیورٹی فورسز پر حملوں میں ملوث تھے، فورسز کی کارروائی میں شدت پسندوں کےمتعدد ٹھکانے بھی تباہ کر دیئے گئے۔

حالیہ دنوں میں دہشتگردی کے بڑے حملوں کے بعد  شمالی وزیرستان میں رات گئے بڑے پیمانے پر کارروائی کی گئی، بمباری کے بعد سینکڑوں لوگوں نے نقل مکانی شروع کردی، آزاد ذرائع کے مطابق کئی افراد زخمی بھی ہوئے، جن میں بچے اور عورتیں بھی شامل ہیں۔

خیبر ایجنسی کی وادی تیراہ اور کوکی خیل میں بھی سیکیورٹی فورسز نے شدت پسندوں کے خلاف کارروائی کی، سیکیورٹی ذرائع کے مطابق جیٹ طیاروں سے بمباری کرکے شدت پسندوں کے تین ٹھکانوں کو تباہ کردیا گیا۔

ہنگو کے علاقہ دو آبہ میں چیک پوسٹ پر نامعلوم افراد کی فائرنگ سے ایک سیکیورٹی اہلکار جاں بحق ہوگیا، کالعدم تحریک طالبان نے گزشتہ دو دنوں میں سیکیورٹی فورسز پر دو بڑے حملے کئے، بنوں چھاؤنی دھماکے کے تیسرے روز بھی بنوں میران شاہ روڈ پر کرفیو نافذ ہے۔

Comments

comments

یہ بھی پڑھیں