site
stats
سندھ

شکارپورلانگ مارچ کے شرکا سے حکومتی مذاکرات ناکام

کراچی : سانحہ شکارپور لانگ مارچ کے شرکا کو روکنے کیلئے سندھ حکومت کے مذاکرات ناکام ہو گئے۔ سندھ کے سینئر صوبائی وزیر تعلیم نثار کھوڑو کہتے ہیں کہ شہداء کے لواحقین کو امدادی چیک دے دیئے۔

ان خیالات کا اظہار انہوں نے سندھ اسمبلی کے اجلاس میں سانحہ شکارپور کے متعلق سوال کا جواب دیتے ہوئے کیا، نثار کھوڑو نے بتایا کہ سانحہ شکارپور لانگ مارچ کے شرکا سے بھٹ شاہ میں مذاکرات کیے گئے جو نتیجہ خیز ثابت نہ ہوسکے۔

لانگ مارچ کے شرکا کراچی آنے پر بضد ہیں۔ نثار کھوڑو کا کہنا تھا کہ حکومت سانحہ سے غافل یا بے حس نہیں، سانحہ شکار پور کے شہیدوں کے لواحقین کو امدادی چیک دیئے جاچکے ہیں اور زخمیوں کا بہترین علاج کرایا جا رہا ہے۔

نثار کھوڑو کاکہنا تھا کہ سانحہ شکارپور کے ذمہ داروں کا پیچھا کیا گیا اور ماسٹر مائنڈ کوئٹہ میں ماراگیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top