شکایات کاازالہ نہ ہوا تولوگ پارٹی کے خلاف ہوسکتے ہیں، مخدوم امین فہیم -
The news is by your side.

Advertisement

شکایات کاازالہ نہ ہوا تولوگ پارٹی کے خلاف ہوسکتے ہیں، مخدوم امین فہیم

کراچی: پیپلز پارٹی کے رہنما مخدوم امین فہیم کا کہنا ہے کہ پیپلز پارٹی کی حکومت عوام کے مسائل حل نہیں کررہی، پارٹی اور قیادت سے کوئی اختلاف نہیں ہے۔

پیپلز پارٹی کے شریک چیئرمین آصف علی زرداری سے ملاقات کے بعد میڈیا سے گفتگو کرتے ہوئے مخدوم امین فہیم کا کہنا تھا کہ آصف زرداری سے عوامی مسائل پر بات ہوئی اور انہیں صوبے میں بد انتظامی سے آگاہ کیا جبکہ شریک چیرمین کو یہ بھی بتایا کہ لوگوں کے مسائل حل نہیں ہورہے اور پیپلزپارٹی کی حکومت سے لوگوں کو شکایات ہیں۔ انہوں نے کہا کہ اگر پارٹی میں کسی معاملات پرتبادلہ خیال کیا جائے تو اسے اختلافات نہ سمجھا جائے، پیپلزپارٹی اور ہمارا چولی دامن کا ساتھ ہے تاہم پارٹی میں جہاں اصلاح کی ضرورت ہوگی تو ضرور بات کروں گا۔

انہوں نے کہا کہ آصف زرداری سے عوامی مسائل پر بات چیت ہوئی ہے کیونکہ عوام کو سندھ کی حکومت سے شدید شکایات ہیں مگر وزیر اعلیٰ سندھ قائم علی شاہ کیخلاف کوئی تحریک عدم اعتماد نہیں لائی جا رہی۔ ان کا کہنا تھا کہ صوبے میں بد انتظامی اور بدحالی عروج پر ہے اور اس معاملے پر حکومت کو اقدامات کرنا ہوں گے۔

سابق صدر آصف علی زرداری کی زیر صدارت اجلاس میں مخدوم امین فہیم،مخدوم جمیل،وزیراعلیٰ سندھ قائم علی شاہ ،شیری رحمان اورشرجیل میمن نے شرکت کی ۔

Comments

comments

یہ بھی پڑھیں