site
stats
پاکستان

شہریوں کے ہاتھوں ڈاکووں کی پٹائی

فیصل آباد: دھنولہ میں شہریوں نے دکان لوٹنے والے تین ڈاکووں کو تشدد کر کے مار ڈالا، ڈاکوؤں کی فائرنگ سے چھ شہری زخمی ہوگئے، پولیس اطلاع کے باوجود ایک گھنٹے بعد پہنچی۔

تھانہ ملت ٹاؤن سے صرف ایک کلومیٹر دور کریانہ ا سٹور پر تین ڈاکوؤں نے دکان پر موجود افراد کو یرغمال بنا کر لاکھوں روپے لوٹ لئے ،مزاحمت پر ڈاکووں نے اندھادھند فائرنگ شروع کر دی جس سے چھ شہری زخمی ہو گئے۔

 علاقہ مکینوں نے گھیراؤ کر کے تینوں ڈاکوؤں کو پکڑ لیا اور انہیں شدید تشدد کا نشانہ بنایا ۔ ڈاکوؤں کو ہسپتال لے جایا جا رہا تھا کہ وہ راستے ہی میں دم توڑ گئے ۔

 شہریوں نے ڈکیتی اور پولیس کی نااہلی کے خلاف ٹائر جلا کر ملت روڈ کو بلاک کر دیا اور پولیس کے خلاف نعرے بازی بھی کی،پولیس واقعہ کے ایک گھنٹے بعد جائے وقوعہ پر پہنچی۔

دوسری جانب حیدر آباد میں بھی شہری ڈاکوئوں سے خود نمٹنے لگے، پولیس نے بمشکل ڈاکوئوں کی عوام سے جان بچائی۔

کراچی میں ڈاکوئوں کی عوام کے ہاتھوں پٹائی کے بعد حیدر آباد کے عوام نے بھی ڈاکوئوں سے خود نمٹنے کا فیصلہ کر لیا۔ پھلیلی میں راہ گیر سے موبائل فون اور پچاس ہزار روپے لوٹنے والے تین ڈاکوئوں کا عوام نے مار مار بھرکس نکال دیا۔

ڈاکو شہری کو لوٹ کر فرار ہو رہے تھے کہ شہریوں نےہمت کا مظاہرہ کرتے وہے انہیں پکڑ کر شدید تشدد کا نشانہ بنایا ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top