شیخ رشید اور ایم کیو ایم قائد کا ٹیلی فونک رابطہ، اہم امور پر تبادلہ خیال -
The news is by your side.

Advertisement

شیخ رشید اور ایم کیو ایم قائد کا ٹیلی فونک رابطہ، اہم امور پر تبادلہ خیال

لندن/راوالپنڈی: عوامی مسلم لیگ کے رہنما شیخ رشید نے فون کے ذریعے ایم کیو ایم کے قائد الطاف حسین سے رابطہ کیا اور موجودہ ملکی صورت حال پر تبادلہ خیال کیا۔ اس موقع پر الطاف حسین کا کہنا تھا کہ ایم کیوایم کسی بھی قیمت پر دوبارہ پیپلزپارٹی کے ساتھ حکومت میں شامل نہیں ہوگی۔

تفصیلات کے مطابق عوامی مسلم لیگ کے سربراہ شیخ رشید نے گزشتہ روز فون پر الطاف حسین سے سیاسی امور پر تبادلہ خیال کیا اور ان کی طبعیت کے بارے میں دریافت کیا۔ شیخ رشید سے گفتگو کرتے ہوئے الطاف حسین کا کہنا تھا کہ ایم کیوایم تمام سیکٹرز، زونوں اوراضلاع کے کارکنوں، تمام تنظیمی ونگز، شعبہ جات اوردیگر تمام تنظیمی کمیٹیوں کی جانب سے پارٹی کی قیادت پر سخت دباوٴ ہے کہ پیپلزپارٹی کی حکومت میں کسی بھی قیمت پر دوبارہ شامل نہ ہوا جائے۔

انھوں نے مزید کہا کہ ایم کیو ایم کے کارکنوں کا دباو اس قدر شدید ہے کہ حکومت میں دوبارہ شمولیت کاسوچنا بھی سوفیصدنامناسب عمل ہوگا۔ شیخ رشید نے الطاف حسین سے ان کی خیریت دریافت کی اور ان سے ملک کی موجودہ سیاسی صورتحال پر بھی تفصیلی تبادلہ خیال کیا۔

Comments

comments

یہ بھی پڑھیں