The news is by your side.

Advertisement

شیریں مزاری اپنے قد سے اونچی بات نہ کریں،قاسم علی رضا

کراچی : متحدہ قومی موومنٹ کی رابطہ کمیٹی کے رکن قاسم علی رضا نے قائد تحریک الطاف حسین کے خلاف تحریک انصاف کی رہنماء شیریں مزاری کے شرانگیز بیان کی شدید مذمت کی ہے ۔

ایک بیان میں قاسم علی رضانے کہاکہ شیریں مزاری ،الطاف حسین پر جھوٹے اور بے بنیاد الزامات لگاکر چاند پرتھوکنے کی کوشش کررہی ہیں اورانہیں اپنے قد سے اونچی بات کرنے سے گریز کرناچاہیے۔

انہوں نے کہاکہ قائد تحریک الطاف حسین لاکھوں کروڑوں عوام کے متفقہ قائد ہیں جبکہ عمران خان کی آوارگی اوربدچلنی کے قصے پاکستان سمیت دنیا بھر میں مشہور ہیں اور عوام یہ بھی جانتے ہیں کہ عمران خان، بغیرنکاح پیدا ہونے والی اپنی بچی تک کواپنانے سے گریز کررہے ہیں۔

شیریں مزاری ایک بدکردار شخص کو اپنا لیڈر تسلیم کرنے میں فخرمحسوس کرتی ہیں تو ضرور کریں، لیکن قائد تحریک الطاف حسین کے خلاف زہریلی زبان استعمال کرکے حق پرست کارکنان وعوام کے جذبات مجروح کرنے کا کوئی حق نہیں ہے۔

قاسم علی رضا نے کہاکہ تحریک انصاف ، اسٹیٹس کوکی محافظ جماعت ہے اور قومی اسمبلی کے حلقہ این اے 246کے ضمنی انتخاب میں عوام کے جمہوری حق پر ڈاکہ ڈالنے کی سازش کررہی ہے۔

Print Friendly, PDF & Email

Comments

comments

یہ بھی پڑھیں