The news is by your side.

Advertisement

شیعہ تنظیموں کا آج یوم سوگ، احتجاجی دھرنے جاری

کراچی : سانحہ شکار پور کے بعد آج سندھ بھر میں یومِ سوگ منایا جا رہا ہے جبکہ تمام تعلیمی ادارے اور کاروباری مراکز بند رہیں گے، المناک سانحے کے خلاف مجلس وحدت المسلمین سمیت دیگر شیعہ تنظیموں کی کال پر سندھ کے چھوٹے بڑے شہروں میں شٹرڈاؤن ہڑتال اور دھرنے دیئے جارہے ہیں۔

سانحہ شکار پور کیخلاف کراچی سمیت سندھ کے مختلف شہروں میں احتجاجی ریلی اور دھرنے جاری ہے، ایم ڈبلیو ایم، جعفر الائنس سمیت دیگر تنظیمیں آج ملک بھر میں یوم سوگ منارہی ہیں ۔

کراچی میں اسٹارگیٹ، نمائش چورنگی اور شاہراہ پاکستان سمیت اہم شاہراہوں پر احتجاجی دھرنے جاری ہے، جس میں خواتین اور بچوں کی بڑی تعداد شریک ہیں جبکہ سندھ کے مختلف شہروں میں شٹر ڈاؤن ہڑتال ہے۔

سانحے شکار پور کے خلاف تین روزہ سوگ کے اعلان کے بعد مختلف شہروں میں شٹر ڈاؤن ہڑتال اور دھرنے دیئے جارہے ہیں، شیعہ علماء کی اپیل پر نوابشاہ میں سوگ کا سما جبکہ چھوٹے بڑے علاقے اہم تجارتی مارکٹیں بند اور ٹرانسپورٹ بھی بند ہیں۔

جیکب آباد،گڑھی خیرو نوشہروفیروز، محراب پور سمیت ضلع بھرمیں مکمل شٹر ڈاوٴن ہڑتال ہے، گھوٹکی میر پور ماتھیلو ڈہرکی ہڑتال کے باعث نجی اور سرکاری اسکولوں میں چھٹی کردی گئی۔

لاڑکانہ میں شیعہ علمائے کونسل، وحدت المسلمین، آئی ایس او سمیت دیگر تنظیموں نے مختلف چوراہوں پر سانحے کیخلاف صدائے احتجاج  بلند کیا اور ناقص سیکیورٹی ، سہولیات کے فقدان پر سندھ حکومت کو کڑی تنقید کا نشانہ بنایا، جیکب آباد میں سانحہ کیخلاف احتجاجی جلوس نے ڈی سی چوک پہنچ کردھرنا دیا، مظاہرین نے ملزمان کی فوری گرفتاری کا مطالبہ کیا۔

سانحہ شکارپور پر سکھر، خیرپور، دادو، ٹھٹہ ،جامشورو اور حیدرآباد سمیت مختلف شہروں احتجاجی ریلی اور دھرنے دئیے جارہے ہیں۔

وزیرِاعلیٰ سندھ قائم علی شاہ نے بھی آج یوم سوگ اور دھماکے میں شہید ہونے والوں کے ورثاء کے لئے پانچ پانچ لاکھ اور زخمیوں کے لئے ایک ایک لاکھ روپے کا اعلان کیا ہے۔

متحدہ قومی موومنٹ کے قائد الطاف حسین نے سانحہ شکار پور پر مختلف تنظیموں کی جانب سے آج یوم سوگ منانے کے اعلان کی حمایت کی ہے اور پاکستان بھر میں عوام سے کہا ہے کہ وہ سانحہ شکارپور کے سوگ میں بازؤں پر سیاہ پٹیاں باندھیں اور سیاہ پرچم لہرائیں۔

لاہور میں ہنگامی پریس کانفرنس کرتے ہوئے علامہ امین شہیدی کا کہنا تھا کہ سانحہ شکار پور وزیرِاعظم نواز شریف کی کراچی میں موجودگی کے دوران پیش آیا مگر انہوں نے پریس بریفنگ میں شہداء کے ساتھ اظہار یکجہتی کرنا بھی مناسب نہیں سمجھا، ان کا کہنا تھا کہ اس طرح نواز شریف نے اپنے عزائم ظاہر کر دیئے ہیں۔

علامہ امین شہیدی نے کہا کہ حکومت امن و امان قائم کرنے میں ناکام ہوگئی ہے، مجلس وحدت المسلمین اور جعفریہ الائنس نے تین روزہ سوگ کا اعلان کیا گیا ہے۔

Print Friendly, PDF & Email

Comments

comments

یہ بھی پڑھیں