The news is by your side.

Advertisement

صحت مند رہنے کیلئے ناخنوں کا خیال رکھنا بہت ضروری ہے

لمبے، صحت مند اور مضبوط ناخنوں کی خواہش ہر خاتون کو ہوتی ہیں، تاہم اس کے لیے ناخنوں کی نگہداشت کو معمول بنانا پڑتا ہے تاکہ وہ اچھی حالت میں رہیں۔

ناخنوں پر نیل پالش کا زیادہ استعمال ان کے لیے نقصان دہ ہوتا ہے جبکہ ان کی کٹائی کو معمول بنانا اور صاف رکھنا بھی ضروری ہوتا ہے، مگر ایک اہم بات یہ ہے کہ ناخنوں کے ذریعے مجموعی صحت کی عکاسی بھی ممکن ہوتی ہے، ایسے ہی چند مسائل کے بارے میں جانیں اور اسے نظر انداز نہ کریں تاکہ آپ اپنے ناخنوں کو صحت مند رکھ سکے۔

اگر آپ ناخنوں کے ارگرد جلد کو سرخ یا خارش زدہ محسوس کریں تو یہ ناخن میں انفیکشن کی ایک علامت ہوسکتی ہے، اس کے لیے یا تو ڈاکٹر سے رجوع کریں یا اینٹی فنگل کریم یا پاﺅڈر استعمال کریں۔

زرد ناخن نظام تنفس کے امراض کی نشاندہی کی علامت بھی ہوسکتے ہیں جبکہ ان سے اس بات کی بھی عکاسی ہوتی ہے کہ آپ خون کی کمی کے مرض کا شکار ہیں یا ہو سکتے ہیں۔

کبھی بھی ناخنوں کو اس وقت نظر انداز نہ کریں جب ان کا رنگ گہرا یا سیاہ ہوجائے کیونکہ یہ خطرناک رسولی کی علامت بھی ہوسکتی ہے۔

چھوٹے کریکس اور داغ ناخنوں میں اس وقت نمودار ہوتے ہیں جب آپ خارش یا چنبل کا شکار ہونے والے ہوں، یہ ایسا مرض ہے جس میں جسم میں جگہ جگہ سرخ رنگ کے چھلکے نما دانے ہو جاتے ہیں جن میں شدید خارش ہوتی ہے۔

ناخنوں میں سفید لکیروں کی موجودگی گردوں کے امراض اور کیلشئیم کی کمی کا عندیہ بھی ثابت ہوسکتے ہیں۔

Print Friendly, PDF & Email

Comments

comments

یہ بھی پڑھیں