اسلام آباد : صدر مملکت ممنون حسین سے اسلامی سربراہی تنظیم کے سیکریٹری جنرل ایاد امین عبداللہ مدنی نےملاقات کی۔
ایوان صدر میں ہونےوالی ملاقات میں امت مسلمہ کودرپیش چیلنجز پرتبادلہ خیال کیاگیا، صدر ممنون حسین نے کہا کہ فلسطین سمیت دنیا میں رونما ہونے والے واقعات سے مسلم دنیا میں بے چینی کی لہر ہے، پاکستان غزہ میں اسرائیلی جارحیت کی مذمت کرتا ہے، پاکستان فلسطینی عوام کی جدوجہد میں انکی غیر مشروط حمایت جاری رکھے گا۔
