صرف ایک اشارے پر سندھ اسمبلی کا اجلاس ملتوی -
The news is by your side.

Advertisement

صرف ایک اشارے پر سندھ اسمبلی کا اجلاس ملتوی

کراچی : سندھ اسمبلی میں جہاں اپوزیشن اراکین کی  چیخ و پکار سے بھی کام نہیں بنتا۔ وہاں وزیر اطلاعات شرجیل میمن کے ایک اشارے نے اجلاس ملتوی کرادیا،کہیں باتوں کے تیر چلے تو کہیں آنکھوں کے اشاروں نے کام دکھایا ۔

تفصیلات کے مطابق ڈپٹی اسپیکر سندھ اسمبلی شہلا رضا کی زیرصدارت سندھ اسمبلی کے اجلاس میں اراکین نے بحث کے دوران شدید ہلڑبازی اور شور شرابے سے ایوان کو مچھلی بازار بنا دیا ۔

اجلاس میں ڈپٹی اسپیکر کی آواز بھی ان کے کانوں تک نہیں پہنچ رہی تھی اور کوئی بھی رکن شہلا رضا کی بات سننے کے لئے تیار نہ تھا۔

جب ارکان اسمبلی آپس میں تلخ جملوں کا تبادلہ کر رہے تھے تو موقع کا فائدہ اٹھاتے ہوئے صوبائی وزیر اطلاعات شرجیل میمن نے ڈپٹی اسپیکر شہلا رضا کو اجلاس لپیٹنے کا اشارہ کر ڈالا اور اشاروں ہی اشاروں میں کام ہوگیا۔

شہلا رضا بھی شرجیل میمن کے اشاروں کو خوب سمجھیں اور پھریہ جا وہ جا اور دیکھتے ہی دیکھتے سندھ اسمبلی کا بے مقصد اجلاس ملتوی بھی ہوگیا۔

Comments

comments

یہ بھی پڑھیں