The news is by your side.

Advertisement

صوبوں کا بلدیاتی انتخابات کے اخراجات برداشت کرنے سےانکار

صوبوں نے مقامی حکومتوں کے انتخابات پر اُٹھنے والے مکمل اخراجات کو برداشت کرنے سے انکار کردیا ہے۔

ذرائع کا کہنا ہے کہ وفاقی وزارتِ خزانہ نے صوبوں سے کہا کہ وہ مقامی حکومتوں کے انتخابات کے اخراجات کے لیے الیکشن کمیشن آف پاکستان کو رقم فراہم کریں لیکن چاروں صوبوں کی جانب سے مطلع کیا گیا کہ اٹھارویں ترمیم کے تحت انتخابات الیکشن کمیشن کے زیراہتمام منعقد کیے جاتے ہیں اور چونکہ الیکشن کمیشن ایک وفاقی ادارہ ہے، لہٰذا وفاق کو چاہئیے کہ وہ اس کے اخراجات کی ادائیگی کرے نہ کہ صوبے یہ کام کریں۔

آئین کی متعلقہ شقوں پر بحث اور تفصیلی بات چیت کے بعد صوبائی وزرائے خزانہ اس ذمہ داری میں پچاس فیصد حصے کی شراکت پر رضا مند ہوگئے، مقامی حکومتوں کے انتخابات پر کل اخراجات کا تخمینہ ساڑھے چھ ارب روپے لگایا گیا ہے، اس کے علاوہ صوبوں نے وفاقی حکومت کے اس اقدام کی سختی سے مخالفت کی، جس کے تحت بجلی کے بلوں کی ادائیگی وفاق کے ذریعے کی جائے گی۔

قومی مالیاتی کمیشن نے وزارت پانی وبجلی سے کہا ہے کہ وہ صوبائی وزراء کے ساتھ یە معاملە حل کرنے کے لئے کردار ادا کرے۔

 

Comments

comments

یہ بھی پڑھیں