site
stats
پاکستان

صولت مرزا ٹارگٹ کلرتھا یا نہیں ،میں نہیں جانتا، بابرغوری

لندن: ایم کیوایم کے رہنماء بابر غوری نے کہا ہے کہ صولت مرزا  ٹارگٹ کلر تھا یا نہیں وہ نہیں جانتے، پہلے اس بات کی تحقیقات کی جائےصولت مرزاکی ویڈیو کس نے بنائی اور یہ بھی تحقیقات ہونی چاہیے کہ ویڈیو کیسے چلائی گئی۔

بابر غوری کا کہنا تھا کہ صولت مرزا کے الزامات پرچپ نہیں رہوں گا، پاکستان سے باہر ہوں ،واپس آکر تحقیقات کا سامنا کروں گا اور عدالت جاؤں گا۔

انکا مزید کہنا تھا کہ لندن سے پاکستان جو کالز آتی ہیں ان کاریکارڈ چیک کیا جائے، سازش ہورہی ہے، جلد دودھ کا دودھ پانی کا پانی ہوجائے گا۔

واضح رہے کہ صولت مرزا نے اپنے بیان میں انکشاف کیا تھا کہ انھوں نے کراچی الیکٹرک سپلائی کمپنی کے ایم ڈی شاہد حامد کا قتل الطاف حسین کے احکامات پر کیا تھا اور ان کو یہ احکامات بابر غوری کے گھر پر دیئے گئے تھے۔

صولت مرزا نے الطاف حسین اور بابر غوری کے علاوہ سندھ کے گورنر ڈاکٹر عشرت العباد اور دیگر پارٹی رہنماؤں پر بھی سنگین الزامات عائد کیے ہیں۔ تاہم الطاف حسین، بابر غوری اور عشرت العباد سمیت دیگر رہنماؤں نے ان الزامات کی سختی سے تردید کی ہے۔

صولت مرزا نے انکشاف کیا کہ مصطفی کمال کو ذلیل کرواکے نکالا گیا۔ عظیم احمد طارق کو بھی الطاف حسین کے کہنے پرقتل کروایا گیا۔

ان کا کہنا تھا کہ پیپلز پارٹی کی حکومت نے مجھ سے تعاون کیا، جبکہ ایم کیو ایم نے کام نکل جانے کے بعد مجھے ٹیشو پیپر کی طرح پھینک دیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top