The news is by your side.

Advertisement

طاہرالقادری نے تین شہروں کے شرکاء کو دھرنےسے واپس جانے کی اجازت دیدی

اسلام آباد: ڈاکٹرطاہرالقادری نے محرم الحرام کے بعد کراچی میں مزارِقائد پرعظیم الشان جلسہ کرنے کا اعلان کیا ہے اوراسی سلسلے میں لاہور، فیصل آباد اور کراچی کے شرکاء کوان کے شہروں کی جانب لوٹ جانے کی ہدایت کی ہے۔

اے آر وائی نیوز زاہد مشوانی کے مطابق ڈاکٹرطاہرالقادری نے انقلاب مارچ دھرنے میں خطاب کے دوران عید کے موقع پراوراس کے بعد بھی دھرنا جاری رکھنے کا اعلان کیالیکن اس کے ساتھ ہی حکومت پرمزید دباؤ بڑھانے کے لئے لاہور، فیصل آباد اورکراچی میں جلسے کرنے کااعلان بھی کیا۔

اسی سلسلے میں فیصل آباد، لاہوراورکراچی سے آئے ہوئے شرکاء اور تنظیمی منتظمین کو واپس جاکرجلسوں کے لئے کارنرمیٹنگزکرنے کی ہدایات کی گئی ہیں۔ ذرائع کے مطابق یہ فیصلہ تین دن تک جاری رہنے والی مشاورت کے بعد کیا گیا۔

ڈاکٹرطاہرالقادری نے کراچی میں جلسے کے لئے محرم الحرام کے بعد کا وقت مقرر کیا ہے اورانہوں نے تنظیمی عہدیداروں کو تاکید کی ہے کہ کراچی کا جلسہ انتہائی عظیم و الشان ہونا چاہئے۔

Print Friendly, PDF & Email

Comments

comments

یہ بھی پڑھیں