The news is by your side.

Advertisement

طاہر القادری کا اپنا ملک ہے جب چاہیں آئیں، احسن اقبال

اسلام آباد: وفاقی وزیر احسن اقبال نے کہا ہے کہ طاہر القادری کو پاکستان آمد پر خوش آمدید کہتے ہیں، ان کا اپنا ملک ہے جب چاہیں آئیں۔

رائل پام میں میڈیا سے گفتگو کرتے ہوئےاحسن اقبال کا کہنا تھا کہ سانحہ ماڈل ٹاؤن پر جے آئی ٹی نے اپنا کام شروع کردیا ہے، امید ہے کہ پاکستان عوامی تحریک جے آئی ٹی سے تعاون کرے گی ، احسن اقبال نے کہا کہ تیس نومبر کو عوام ملک کے حق میں فیصلہ کریں گے کیونکہ ملک کو نئے نہیں مستحکم پاکستان کی ضرورت ہے۔

انہوں نے کہا کہ عمران خان کنٹینروں کی سیاست چھوڑ کر پارلیمنٹ میں آئیں، پہلے عمران خان نے چینی صدر کا دورہ سبوتاژ کیا اور اب چینی سرمایہ کاری سبوتاژ کرنا چاہتے ہیں۔

اس قبل سے رائل پام میں منعقدہ تقریب سے خطاب میں احس اقبال کا کہنا تھا ملکی استحکام اور پالیسیوں کے تسلسل کے لیے پانچ سالہ مدت پوری کرنے کی ضرورت ہے، چین کے ذریعے دو ہزار اٹھارہ تک نوہزار میگا واٹ تک بجلی ملے گی۔

Print Friendly, PDF & Email

Comments

comments

یہ بھی پڑھیں