The news is by your side.

Advertisement

طوفان “ہُد ہُد” بھارتی ساحلوں سے ٹکرا گیا، متعدد ہلاک

آندھرا پردیش: خلیج بنگال سے اٹھنے والا سمندری طوفان ہدہد بھارت کے شمالی ساحلوں سے ٹکرا گیا۔ جس سے شدید نقصان ہوا ہے۔ آندھرا پردیش میں متعدد افراد ہلاک ہو گئے۔

بھارت کے محکمہ موسمیات کے مطابق طوفان بڑی تباہی پھیلا سکتا ہے۔ کئی گھنٹوں تک طوفان زمین پر اثر دکھاتا رہے گا۔ طوفان ہد ہد میں دو سو کلومیٹر زائد رفتار سےطوفانی ہوائیں چلتی رہیں۔

ساتھ بارش بھی ہوتی رہی، آندھراپردیش اور اڑیسہ میں سیکڑوں درخت جڑ سے اکھڑ گئے۔ اور بجلی کا نظام تہنس نہس ہو گیا۔ خدشہ ہے کہ طوفان سے اونچی لہریں اٹھیں گی اور نچلے علاقے سیلاب کی زد میں آ جائیں گے۔

دونوں ریاستوں کے تین لاکھ افراد کو محفوظ مقامات پر پہنچادیا گیا اور مزید تین لاکھ لوگوں کو انخلاء کی ہدایات کی گئی ہیں۔ انیس سو ننانوے میں اُڑیسہ میں آنے والے سُپر سائیکلون سے دس ہزار سے زائد افراد ہلاک ہوئے تھے۔

Print Friendly, PDF & Email

Comments

comments

یہ بھی پڑھیں