طیارہ جدہ سے خالی کیوں آیا، وزیرِاعظم نواز شریف نے نوٹس لے لیا -
The news is by your side.

Advertisement

طیارہ جدہ سے خالی کیوں آیا، وزیرِاعظم نواز شریف نے نوٹس لے لیا

کراچی : طیارہ جدہ سے خالی کیوں آیا، وزیرِاعظم نواز شریف نے اے آر وائی نیوزکی خبر کا نوٹس لیتے ہوئے واقعے کی تحقیقات کا حکم دے دیا ہے۔

قومی ایئرلائن کے مارکیٹنگ ڈیپارٹمنٹ کا ایک اور کارنامہ سامنے آگیا، ذرائع کے مطابق جدہ سے کراچی آنیوالی خصوصی پرواز پی کے7313 کے ایئر بس 310کے ذریعے دو مسافروں کو لیکر کراچی پہنچایا گیا، جہاز میں دو سو سے زائد مسافروں کے بیٹھنے کی گنجائش ہوتی ہے۔

ذرائع کے مطابق اضافی پرواز مسافروں کی مطلوبہ تعداد مکمل ہونے پر ہی آپریٹ کی جاتی ہے، دو مسافروں کو لیکر آنے سے ایئر لائن کو کروڑوں روپے کا نقصان اٹھانا پڑا۔

ڈائریکٹر مارکیٹنگ کی ناقص حکمت عملی کی وجہ سے عمرہ آپریشن میں پی آئی اے کو پہلے ہی نقصان ہوا تھا۔

قومی ایئرلائن کے افسران کی ناقص حکمت عملی کی وجہ سے ایئرلائن کو تین سو ارب روپے سے زائد خسارے کا سامنا ہے۔

اس خبر کے اے آروائی پر چلنے کے بعد وزیرِاعظم نواز شریف نے نوٹس لے کر شجاعت عظیم کو تحقیقات کا حکم دیدیا ہے، ذرائع کے مطابق وزیرِاعظم خالی پرواز سے ہونے والاخسارہ ذمے دار افسران کی تنخواہوں سے پورا کرنے کی بھی ہدایت کی ہے۔

Comments

comments

یہ بھی پڑھیں