طیارے کی تباہی:بین الاقوامی ماہرین کو جائے وقوعہ کے معائنے کی اجازت -
The news is by your side.

Advertisement

طیارے کی تباہی:بین الاقوامی ماہرین کو جائے وقوعہ کے معائنے کی اجازت

یوکرین : باغیوں نے طیارے کی تباہی کے مقام پر جنگ بندی اور بین الاقوامی معائنہ کاروں کو جائے وقوعہ تک رسائی دینے کا اعلان کردیا ہے۔

میڈیا رپوٹس کے مطابق باغیوں نے جنگ بندی کا اعلان کرتے ہوئے ملائشین طیارے کے دو بلیک باکس بھی ملائشین حکام کےحوالے کر دیئے ہیں، باغیوں نے بین الاقوامی ماہرین کو جائے وقوعہ کا معائنہ کرنے کی بھی اجازت دے دی ہے ۔

ملائشین حکام کا کہنا ہے کہ جائے وقوعہ سے ملنے والے طیارے کے دونوں بلیک باکس درست حالت میں ہیں، اس سے پہلے اقوام متحدہ کی سلامتی کونسل کے ہونے والے اجلاس میں یوکرین میں ملائشیا کے طیارے ایم ایچ سترہ کو مارگرانے کی مذمت کرتے ہوئے ایک قرارداد کے ذریعے یوکرین میں باغیوں کے علاقے میں تباہ ہونے والے مسافر طیارے کی جائے حادثہ تک رسائی کا مطالبہ کیا تھا۔

دوسری جانب ہالینڈ کے وزیر خارجہ کا کہنا  ہے کہ طیارہ حادثہ تحقیقات کی قیادت کے لئے تیار ہیں، نیویارک میں میڈیا سے گفتگو کرتے ہوئے ڈچ وزیر خارجہ کا کہنا تھا کہ بین الاقوامی برادری کی جانب سے باغیوں کو ایک واضح اشارہ دیا گیا ہے، جس کے بعد امید ہے کہ باغی ماہرین سے تعاون کریں گے ۔

Comments

comments

یہ بھی پڑھیں