عاشورہ، محرم: بتیس ہزار فوجی اہلکار سیکورٹی فرائض انجام دیں گے -
The news is by your side.

Advertisement

عاشورہ، محرم: بتیس ہزار فوجی اہلکار سیکورٹی فرائض انجام دیں گے

اسلام آباد:وزارت داخلہ نےمحرم میں امن و امان برقرار رکھنے کیلئے بتیس ہزار فوجی اور نیم فوجی اہلکار تعینات کرنے کی ہدایت کی ہے، جبکہ بارہ ہیلی کاپٹرجلوسوں کی نگرانی کرینگے۔

وفاقی وزیرداخلہ چوہدری نثار علی خان نے ہدایت کی ہے کہ عاشورہ سمیت آئندہ چند دنوں میں ملک بھر میں سیکورٹی ہائی الرٹ رکھی جائے۔ وزیرداخلہ نے کہا ہے کہ وزارت داخلہ نے ملک کے 54 شہروں میں آرمی اور نیم فوجی دستوں کے بتیس ہزار چھ سو پچانوے اہلکار تعینات کیے ہیں تاکہ وہ محرم الحرام کے دوران امن و امان اور سیکورٹی یقینی بنانے میں متعلقہ صوبائی حکومتوں کی مدد کریں۔ فضائی نگرانی کے لیے مختلف اسٹیشنوں پر بارہ ہیلی کاپٹرز بھی رکھے گئے ہیں۔اس کے علاوہ 9 اور 10 محرم کو طے شدہ وقت اور مقامات پر موبائل فون سروس بھی بند کی جاسکتی ہے۔

چوہدری نثار علی خان کا کہنا ہے کہ محرم سے متعلقہ تمام سرگرمیوں کو چوبیس گھنٹے وزارت داخلہ کے کنٹرول روم سے مانیٹر کیا جائے گا جبکہ وفاقی حکومت جلوسوں اور عوام کی زیادہ سے زیادہ حفاظت کے لیے صوبائی حکومتوں سے مسلسل رابطے میں رہے گی۔

Comments

comments

یہ بھی پڑھیں