The news is by your side.

Advertisement

عالمی دباؤ کے باوجود ایٹمی دھماکوں کا فیصلہ کیا، وزیرِاعظم

اسلام آباد: آج ملک بھر میں سترہواں یومِ تکبیر ملی جوش وجذبے سے منایا جارہا ہے، وزیرِاعظم نواز شریف کا کہنا ہے کہ عالمی دباؤ کے باوجود ایٹمی دھماکوں کا فیصلہ کیا، جس کی بدولت ملکی دفاع ناقابلِ تسخیر ہوگیا۔

یومِ تکبیر پر اپنے پیغام میں وزیرِاعظم نے کہا ہے کہ دشمن عناصر وطن کو اندورنی طور پر کمزور کرنے کے درپے ہیں، دہشت گردی کے خلاف پوری قوم یک جان وزبان ہے، مضبوط دفاع کے لیے پاکستان کو اقتصادی طور پر مضبوط بنانا ہوگا۔

ان کا مزید کہنا تھا کہ آپریشن ضربِ عضب بے مثال کامیابیوں کے ساتھ جاری ہے، کسی کو وطن عزیر کی طرف میلی آنکھ سے دیکھنے کی جرات نہیں۔

نواز شریف کا کہنا تھا کہ بہادر افواج پاکستان کا مستقبل محفوظ کرنے کے لیے قربانیاں دے رہی ہیں۔

Comments

comments

یہ بھی پڑھیں