ممبئی: بالی ووڈ اداکار عامر خان کو اپنی نئی فلم میں اپنی بیٹیوں کے کردار کے لئے نئے چہروں کی تلاش جاری ہے، اب تک عامر خان 21 ہزار لڑکیوں کو مسترد کردیا۔
بالی ووڈ اسٹار عامر خان اپنی آنے والی فلم دنگل کے لئے اب تک اکیس ہزار لڑکیوں کا آڈیشن لے چکے ہیں، عامر خان فلم دنگل میں پہلوان اورچار بیٹیوں کے والد کا کردار کر رہے ہیں۔
اس سلسلے میں بالی ووڈ اسٹار ریاست اتر پردیش، ہریانہ، راجستھان اور مدھیہ پردیش سمیت کئی بھارتی شہروں میں جا کر اب تک 21 ہزار لڑکیوں کے آڈیشن کرچکے ہیں لیکن تاحال انہیں ابھی تک کوئی ایسا چہرہ نہیں ملا جو فلم میں ان کی بیٹیوں کے کردار ادا کرسکیں۔
اس سے قبل میڈیا میں یہ بات گشت کررہی تھی کہ فلم دنگل میں عامر خان کے ساتھ بالی ووڈ اسٹار کنگنا رناوت کرادر ادا کریں گی۔بعد ازاں اس خبر کی تردید کردی گئی۔عامر خان اپنے اس پراجیکٹ کے لئے انتہائی سنجیدہ دیکھائی دے رہے ہیں عامر خان نے اس فلم کے لیے اپنا وزن نوے کلو تک بڑھا لیا ہے۔
