The news is by your side.

Advertisement

عبدالقادرگیلانی کاگارڈ شناختی پریڈ کیلئے جیل روانہ

 لاہور:عبدالقادرگیلانی کےگارڈ کی مبینہ فائرنگ سے ہلاک ہونے والے نوجوان کے ورثاء نے ملزم کی عدالت میں پیشی کے موقع پرشدید احتجاج کیا۔لاہورکی دہشت گردی عدالت نےملزم محمد خان کو شناختی پریڈ کےلئے جیل بھجوادیا۔

تفصیلات کے مطابق سابق وزیراعظم یوسف رضاگیلانی کے صاحبزادے عبدالقادر گیلانی کے محافظ کی مبینہ فائرنگ سے ہلاک نوجوان کےورثاء نے ملزم کی عدالت میں پیشی کے موقع پرشدید احتجاج کیا،جبکہ عبدالقادرگیلانی کے خلاف مقدمہ بھی درج کرلیا گیاہے۔

تھانہ ڈیفینس اے میں نوجوان کے قتل کی ایف آئی آردرج کی گئی تھی ،جس کے بعد یوسف رضا گیلانی کے بیٹے عبدالقادر گیلانی کے گارڈ محمد خان کو انسداد دہشت گردی عدالت میں پیش کیاگیا۔

عدالت کے فیصلہ کے بعد عبدالقادر گیلانی کے گارڈ محمد خان کو شناختی پریڈ کے لیے جیل بھجوا دیا گیا۔عدالت نے ملزم کو چوبیس اکتوبر کو دوبارہ پیش کرنے کی ہدایت کردی۔ جیل میں ملزم کی شناخت پریڈ کی جائے گی۔

Print Friendly, PDF & Email

Comments

comments

یہ بھی پڑھیں