site
stats
پاکستان

عدالتی کمیشن کا قیام عوام اور جمہوریت کی فتح ہے،عمران خان

اسلام آباد : چیئر مین پی ٹی آئی عمران خان نے عدالتی کمیشن کے قیام پر اتفاق رائے کا خیر مقدم کرتے ہوئے کہا ہے کہ کمیشن کا قیام پاکستان کی عوام اور جمہوریت کی فتح ہے۔

اسلام آباد سے جاری بیان میں عمران خان کا کہنا ہے کہ عدالتی کمیشن کا قیام انصاف کے حصول کے لئے دیئے گئے ایک سو چھبیس دنوں کے دھرنے کا ثمر ہے۔

ملکی تاریخ میں پہلی بار انتخابی دھاندلی کی تحقیقات کی جائیں گی۔ان کا کہنا ہےکہ کمیشن کے قیام کا فیصلہ پاکستان کی عوام اور جمہوریت کی فتح ہے۔

عمران خان کا کہنا ہےکہ ضروری ہے کہ دھاندلی میں ملوث افرادکو کیفرکردار کو پہنچایا جائے۔ معاہدے کا خیر مقدم کرتے ہوئے امیر جماعت اسلامی سراج الحق کا کہنا ہے کہ اس سے جمہوریت مضبوط ہوگی اور انتخابی نظام کو شفاف بنانے میں مدد ملے گی۔

دوسری جانب پیپلز پارٹی کے رہنما رحمان ملک نے بھی معاہدے کو سیاسی جرگے کی کامیابی قرار دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top