عزیربلوچ کے پاس دو شناختی کارڈ رکھنے کا انکشاف -
The news is by your side.

Advertisement

عزیربلوچ کے پاس دو شناختی کارڈ رکھنے کا انکشاف

کراچی: لیاری گینگ وار کے اہم کردارعزیربلوچ جو ان دنوں ابو ظہبی میں قانون کی گرفت میں ہے۔ اسے پاکستان لانے کے لئے کراچی پولیس اور ایف آئی اے کی ٹیمیں دبئی میں موجود ہیں۔

عزیر جان بلوچ کے حوالے سے ایک اور اہم انکشاف سامنے آیا ہے کہ اس کے پاس دو شناختی کارڈ ہیں اور دونوں شناختی کارڈ فعال ہیں ۔

اے آروائی نیوز نے عزیر جان بلوچ کے دونوں ایکٹو شناختی کارڈز کی کاپی حاصل کرلی ہے۔

واضح رہے کہ کالعدم پیپلزامن کمیٹی کا سربراہ عزیربلوچ بلوچستان کے راستے بیرون ملک فرار ہوا تھا۔

عزیر جان بلوچ کو جعلی پاسپوٹ کے استعمال پر گرفتار کیا گیا تو سندھ پولیس ایسے خوش ہوئی جیسے یہ ان کا کارنامہ ہے۔

پولیس افسران پر مشتمل ٹیمیں عزیر بلوچ کو وطن لانے کیلئے بلند بانگ دعوے کرتی ہوئی دبئی روانہ ہوئیں، لیکن ملزم کو لئے بغیر نامراد واپس آگئیں۔

امارات حکام کا کہنا ہے کہ عزیر بلوچ کے خلاف ٹھوس ثبوت فراہم نہیں کئے گئے ہیں، اگر سندھ حکومت کوعزیر بلوچ واقعی مطلوب ہے تو اس کے سزا یافتہ ہونے کے واضح ثبوت فراہم کریں۔

Comments

comments

یہ بھی پڑھیں