The news is by your side.

Advertisement

عزیر جان بلوچ کی پاکستان حوالگی کا معاملہ کھٹائی میں پڑگیا

کراچی: متحدہ عرب امارات حکومت عذیر بلوچ کی حوالگی کیلئے تیار ہیں لیکن حکومتِ سندھ کی عدم دلچسپی سے معاملہ اٹک گیا، تاحال کوئی ٹیم دبئی روانہ نہیں کی گئی۔

دبئی میں گرفتار ہونے والے کالعدم امن کمیٹی اور لیاری گینگ وار کے سرغنہ عذیر جان بلوچ کی پاکستان حوالگی کا معاملہ کھٹائی میں پڑتا دکھائی دے رہا ہے۔

ذرائع کے مطابق متحدہ عرب امارات کی حکومت ملزم کو پاکستان کے حوالے کرنے پر رضا مند ہے لیکن حکومت سندھ کی عدم دلچسپی نے معاملہ لٹکا دیا ہے، انٹر پول حکام عزیر بلوچ کو حوالے کرنے کیلئے پاکستانی ٹیم کے منتظر ہیں تاہم حکومت سندھ نے کوئی ٹیم تاحال دبئی روانہ نہیں کی ہے۔

ایف آئی اے کا کہنا ہے کہ اُن کا کام کو آرڈینیشن ہے، ملزم جس کو مطلوب ہو وہیں کی ٹیم جاتی ہے، ذرائع کا کہنا ہے کہ عزیربلوچ کی حوالگی کا معاملہ سیاسی کشمکش کا شکار ہورہا ہے۔

انتیس دسمبر دو ہزار چودہ کوعزیر بلوچ کو مسقط سے دبئی پہنچنے پر انٹر پول نےگرفتارکیا تھا۔ عزیربلوچ پولیس اور رینجرز اہلکاروں کے قتل ، اقدام قتل، اغوا برائے تاوان، بھتہ خوری اور سو سے زائد دیگر سنگین جرائم کی وارداتوں میں ملوث ہے۔

Print Friendly, PDF & Email

Comments

comments

یہ بھی پڑھیں