site
stats
اہم ترین

علامہ علی اکبرکی نمازجنازہ شاہ خراساں میں ادا کردی گئی

  کراچی: جعفریہ الائنس کے سربراہ علامہ عباس کمیلی کے صاحبزادے علامہ علی اکبرکی نماز جنازہ نماز ظہرین کے بعد شاہ خراسان نمائش پر ادا کردی گئی۔ اس موقع پر ایم اے جناح روڈکو مکمل طور پر بند کردیا گیا تھا، نماز جنازہ میں متحدہ قومی موو منٹ کے رہنماؤں کے علاوہ دیگر سیاسی جماعتوں کے رہنماء اور عوام کی بڑی تعداد بھی موجود تھی۔،

نماز جنازہ کے بعد علامہ علی اکبر کا جسدِ خاکی تدفین کیلئے علی باغ قبرستان لیاری لے جایا گیا،اس موقع پرپولیس اور رینجرز کی بھاری نفری بھی موجود تھی، علاوہ ازیں جعفریہ الائنس کے سربراہ علامہ عباس کمیلی کے صاحبزادے علامہ علی اکبر کے قتل کیخلاف جعفریہ الائنس اور وحدت المسلمین کی جانب سے تین روزہ سوگ منایا جا رہا ہے۔

کراچی کے کئی علاقوں میں کاروباری مراکز بھی بند ہیں۔ ایم کیوایم نے بھی جعفریہ الائنس کے یوم سوگ کی حمایت کی ہے۔ الطاف حسین نے علامہ عباس کمیلی سے ٹیلی فون پر اظہار تعزیت کرتے ہوئے کہا ہے کہ دہشت گرد کراچی میں علمائے کرام ، ڈاکٹروں ، پروفیسرز، تاجروں اور دیگر شخصیات کو چن چن کر نشانہ بنا رہے ہیں۔ لیکن دہشت گردوں کیخلاف کارروائی نہیں کی جارہی۔

واضح رہے کہ کراچی کے علاقے عزیز آباد بھنگوریہ گوٹھ میں جعفریہ الائنس کے سربراہ علامہ عباس کمیلی کے بیٹے علی اکبرکمیلی کو گزشتہ روز نامعلوم افراد نے فائرنگ کر کے قتل کردیا تھا۔علی اکبر کمیلی نے پسماندگان میں دو بیٹے اور بیوہ کو سوگوار چھوڑا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top