عمران خان اور ڈاکٹرطاہرالقادری کیخلاف توہین عدالت کی درخواست دائر -
The news is by your side.

Advertisement

عمران خان اور ڈاکٹرطاہرالقادری کیخلاف توہین عدالت کی درخواست دائر

لاہور: لانگ مارچ اور دھرنا دینے پر پاکستان عوامی تحریک کے سربراہ ڈاکٹر طاہرالقادری اور تحریکِ انصاف کے چیئرمین عمران خان کیخلاف لاہور ہائیکورٹ میں توہین عدالت کی درخواست دائر کر دی گئی ہے۔

درخواست گزار کی جانب سے مؤقف اختیار کیا گیا ہے کہ تیرہ اگست کو لاہور ہائیکورٹ کے فل بنچ نے پاکستان عوامی تحریک اور تحریک ِانصاف کو لانگ مارچ اور دھرنا دینے سے روکنے کے واضح احکامات جاری کئے تھے مگر عدالتی احکامات کے باوجود دونوں جماعتوں نے لانگ مارچ کیا اور ڈیڑھ ماہ سے اسلام آباد میں دھرنا دیئے بیٹھے ہیں، جو عدالتی احکامات کی خلاف ورزی ہے۔

درخواست گزار کا کہنا ہے کہ دونوں جماعتوں کا لانگ مارچ اور دھرنا توہین عدالت کے زمرے میں آتا ہے، اس لئے ڈاکٹر طاہرالقادری اور عمران خان کیخلاف توہین عدالت کی کارروائی کی جائے۔

Comments

comments

یہ بھی پڑھیں