عمران خان آج چیف الیکشن کمشنر سے ملاقات کریں گے -
The news is by your side.

Advertisement

عمران خان آج چیف الیکشن کمشنر سے ملاقات کریں گے

اسلام آباد: تحریکِ انصاف کے چیئرمین عمران خان آج چیف الیکشن کمشنر سردار رضا خان سے ملاقات کریں گے۔

عام انتخابات میں مبینہ دھاندلی کے خلاف مسلسل احتجاج کرنے والےعمران خان آج چیف الیکشن کمشنر سے ملاقات کریں گے، چیف الیکشن کمشنر سے ملاقات میں عمران خان عام انتخابات میں ہونے والی مبینہ دھاندلی پر بات کریں گے، ذرائع کے مطابق وہ چیف الیکشن کمشنر کو دھاندلی کے بعض ثبوت پیش کریں گے۔

ملاقات میں الیکشن ٹربیونلز کی جانب سے بعض کیسز کے فیصلوں میں تاخیر کا معاملہ بھی اٹھایا جائے گا اور چیف الیکشن کمشنر کو متنازع حلقوں کے تحفظات کے بارے میں آگاہ کریں گے۔

اس سے قبل عمران خان نے چیف الیکشن کمشنر سے ملاقات کیلئے وقت مانگا تھا، جس پر چیف الیکشن کمشنر نے انہیں پیر کو ملنے کا وقت دیا ہے۔

 گزشتہ دو روز قبل الیکشن ٹریبونل نے تحریکِ انصاف کے چیئرمین عمران خان کی ووٹوں کی جانچ سے متعلق درخواست مسترد کردی تھی، تحریکِ انصاف کے چیئرمین عمران خان نے این اے ایک سو بائیس میں مبینہ دھاندلی کے معاملے پر لوکل کمیشن کے خلاف الیکشن ٹریبونل سے استدعا کی تھی۔

اس سے قبل عمران خان این اے ایک سو بائیس میں کمیشن کی رپورٹ پر عدم اطمینان کا اظہار کر چکے ہیں، انہوں نے ٹریبونل سے لوکل کمیشن کیخلاف کارروائی کا مطالبہ بھی کیا ہے۔

Comments

comments

یہ بھی پڑھیں