site
stats
اہم ترین

عمران خان اپنے صوبے کی خبر لیں،تبدیلی آئی یا نہیں؟، نواز شریف

اسلام آباد: وزیرِاعظم نواز شریف سارک کانفرنس میں شرکت کے بعد وطن واپس پہنچ گئے ہیں، وزیرِاعظم نواز شریف کا کہنا ہے کہ مودی سے سلام دعا ہوئی بات چیت نہیں،عمران خان کا ایجنڈا قومی نہیں ذاتی ہے۔

وزیرِاعظم نواز شریف سارک کانفرنس میں شرکت کے بعد نیپال سے وطن واپس آئے تو طیارے میں ہی دھرنے والوں پر نقطہ چینی شروع کردی، انکا کہنا تھا کہ عمران خان اپنے صوبے کو دیکھیں پھر ملک گیر تبدیلی کی بات کریں۔

بھارتی وزیرِاعظم سے آمنے سامنے پر اُن کا کہنا تھا کہ مذاکرات منسوخ ہوئے ہیں سلام دعا سے تو نہیں گئے، اس سے قبل نیپال کے دارالحکومت کھٹمنڈو میں سارک سربراہ کانفرنس کے اختتام پر وزیرِاعظم نواز شریف اور بھارتی وزیراعظم نریندر مودی نے سرد مہری کو ختم کرتے ہوئے خوشگوار موڈ میں مصافحہ کیا۔

اختتامی سیشن میں وزیرِاعظم نواز شریف نے خطاب کرتے ہوئے کہا کہ مہمان نوازی پر نیپال کی حکومت اورعوام کے شکرگزار ہیں، اختتامی سیشن میں سارک ممالک میں توانائی میں تعاون کے فریم ورک کے معاہدوں پر دستخط کیے گئے ہیں، پاکستان کی طرف سے مشیر خارجہ سرتاج عزیز نے معاہدے پر دستخط کئے، آئندہ سارک سربراہ کانفرنس پاکستان میں ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top