site
stats
اہم ترین

عمران خان نے سول نافرمانی ختم کردی

اسلام آباد: تحریک انصاف کے سربراہ عمران خان نے سول نافرمانی ختم کرکے اپنی رہائش گاہ کے بجلی کے بل ادا کردیے۔

آئیسکو حکام نے تصدیق کی ہے کہ عمران خان نے اپنی رہائش گاہ کے بجلی کے بلوں کی ادائیگی کردی ہے جس کے بعد ان کی بنی گالہ رہائش گاہ کی بجلی بحال کر دی گئی۔ عمران خان نے بجلی کے دو بلوں کی مد میں مجموعی طور پر ایک لاکھ 36 ہزار745روپے ادا کیے۔

آزادی مارچ اور دھرنے کے دوران عمران خان نے سول نافرمانی کا اعلان کرتے ہوئے بجلی کے بلوں کی ادائیگی سے انکار کردیا تھا جس کے بعد ان کی رہائش گاہ کی بجلی منقطع کردی گئی تھی۔

واضح رہے کہ سول نا فرمانی کا اعلان کرتے ہوئے عمران خان کا کہنا تھا کہ آج سے نہ بجلی کے بل دیں گے نہ ٹیکس دیں گے،سول نافرمانی کی کال عوام کے لئے دے رہا ہوں۔ جبکہ عمران خان کے جانب سے سول نافرمانی کے اقدام کو لاہور ہائیکورٹ میں چیلنج بھی کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top