The news is by your side.

Advertisement

عمران خان نے کل سے جلسوں کا اعلان کردیا

 پشاور : پاکستان تحریک انصاف کے چیئرمین عمران خان نےخیبرپختونخوا کےحقوق کےلئےکل سےجلسوں کااعلان کردیا۔

انہوں نے کہا کہ وفاق خیبرپختونخوا کےفنڈزمیں ڈنڈی ماررہا ہے۔ یہ بات انہوں نے پشاور میں گورنمنٹ گرلز ہائی اسکول دوران پور ، گورنمنٹ اسکول لیڈی گرفت اور گلبرگ پولیس اسٹیشن کا دورہ کے موقع پر میڈیا سے بات چیت کرتے ہوئے کہی.

عمران خان کا کہنا تھا کہ وفاق کی ناانصافیاں بڑھتی جا رہی ہیں ، وفاق خیبرپختونخوا کےفنڈ نہیں دےرہا، فنڈ نہ ملنےسےلواری ٹنل تباہ ہورہی ہے۔

انہوں نے اعلان کیا کہ خیبرپختونخوا کےحقوق کےلئےکل سےجلسے منعقد کئے جائیں گے، عمران خان کے دوران پوراسکول دورے کے موقع پر پی ٹی آئی اور پیپلز پارٹی کے کارکنوں کے مابین کسی بات جھگڑا ہوگیا اس موقع پر دونوں جانب سے ڈنڈے اور گھونسوں کا آزادانہ استعمال کیا گیا   تاہم بعدازاںپولیس نے حالات پر قابو پا لیا۔

عمران خان نے کہا کہ پاک چائنہ راہداری سے پنجاب کے خلاف نفرت بڑھے گی۔ ڈسکہ واقعے پر تنقید کرتے ہوئے چیئر مین پی ٹی آئی نے کہا کہ شریف برادران اور زرداری سیاسی مفادات کیلئے پولیس کو استعمال کر رہے ہیں۔

عمران خان کا کہنا تھا کہ چشمہ کینال کیلئے20سال سے رقم فراہم نہیں کی گئی وفاق رقم فراہم کردے تو گندم میں خودکفیل ہوسکتے ہیں پنجاب حکومت کو 50فیصد ترقیاتی فنڈ دیا گیا، کےپی کےحکومت کوصرف20فیصد فنڈ دیاگیا۔

Comments

comments

یہ بھی پڑھیں