کراچی: ایم کیو ایم کی رابطہ کمیٹی نے دعوی کیا ہے کہ عمران خان چودہ اگست کی احتجاج کی کال واپس لےلیں گے،ارکان رابطہ کمیٹی نے سیاسسی جماعتوں سے اپیل کی ہے کہ ملک کی صورتحال کے پیش نظر دھرنوں اورریلیوں سےگریزکریں۔
متحدہ قومی موومنٹ کے سینئر ترین ارکان طارق جاوید، قاسم علی رضا، سید مصطفی عزیزآبادی نے کہاکہ باوثوق ذرائع سے انہیں خوش آئند اطلاعات ملی ہیں کہ تحریک انصاف کے سربراہ عمران خان چودہ اگست کو اپنی احتجانی دھرنے کے اعلان کو بہت جلد موخر کرنے کا اعلان کریں گے۔
تینوں رہنماوں نے ان خیالات کا اظہارعیدالفطرکی نماز کی ادائیگی کے بعد بات چیت کرتے ہوئے کیا، متحدہ قومی موومنٹ کے سینئر ترین ارکان نے اپنے مشترکہ بیان میں تمام سیاسی اور مذہبی جماعتوں سے پرزوراپیل کی کہ ملک کی موجودہ نازک صورتحال کو سامنے رکھتےدھرنوں ریلیوں اور احتجاجی طرزعمل کو اپنانے سے گریز کیا جائے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
