عمران خان کا سانحہ بلدیہ کی جے آئی ٹی پرعمل درآمد کا مطالبہ -
The news is by your side.

Advertisement

عمران خان کا سانحہ بلدیہ کی جے آئی ٹی پرعمل درآمد کا مطالبہ

پشاور: تحریک انصاف کے سربراہ عمران خان نے کہا ہے کہ حکام کو سانحہ بلدیہ کا سنجیدگی سے نوٹس لینا چاہئیے کہ وہ سانحہ پشاورکی ہی طرزکا واقعہ ہے۔

بدھ کے روزمیڈیا سے گفتگوکرتے ہوئے انہوں نے مطالبہ کیا کہ سانحہ بلدیاتی ٹاؤن پر حکومت کی جانب سے فوری ایکشن لیا جانا چاہیئے۔

پی ٹی آئی کے سربراہ کا کہنا تھا کہ الطاف حسین کی معذرت کے باوجود تلخیاں ابھی باقی ہیں تناؤ برقرار رہے گا۔

عمران خان کا کہنا تھا کسی کو بھی لندن میں بیٹھ کرعوام کے جذبات بھڑکانے والے تقاریرکرنے کی اجازت نہیں دیں گے۔ انہوں نے وزیر اعظم نواز شریف کو مشورہ دیا کہ وہ اس معاملے میں برطانوی ہم منصب ڈیوڈ کیمرون سے گفتگوکریں۔

عمران خان نے یہ بھی انکشاف کیا کہ تحریک انصاف کی رہنماء زہرا حسین شاہد کو قتل سے قبل دھمکیاں بھی موصول ہوئی تھیں۔

Comments

comments

یہ بھی پڑھیں