عمران خان کی نا اہلی کیخلاف درخواست مسترد -
The news is by your side.

Advertisement

عمران خان کی نا اہلی کیخلاف درخواست مسترد

لاہور: تحریک انصاف کے سربراہ عمران خان کی نااہلی کے لئے دائر درخواست پر رجسٹرار آفس کا اعتراض برقرار رکھتے ہوئے لاہور ہائیکورٹ نے درخواست مسترد کر دی۔

جسٹس محمود مقبول باجوہ نے کیس کی سماعت کی۔ درخواست گزار تحریک انقلاب کے وکیل کی جانب سے عدالت میں موقف اختیار کیا گیا کہ آئین کے آرٹیکل باسٹھ ڈی ون کے تحت رکن اسمبلی کا باکردار اور پاک باز ہونا لازم ہے۔

انہوں نے کہا کہ عمران خان کے ماضی کا کردار آئین سے متصادم ہے۔ بازار حسن سے پارلیمنٹ تک کے نام سے چھپنے والی کتاب عمران خان کے ماضی کی گواہ ہے۔

انہوں نے کہا کہ عمران خان کو آئین کے آرٹیکل باسٹھ پر پورا نہ اترنے کی بناء پر ہمیشہ کے لئے نااہل قرار دیا جائے اور رجسٹرار آفس کی جانب سے دائر اعتراض بھی مسترد کیا جائے۔

عدالت نے رجسٹرار آفس کی جانب سے درخواست پر عائد اعتراض برقرار رکھتے ہوئے درخواست ناقابل سماعت قرار دے کر مسترد کر دی۔

Comments

comments

یہ بھی پڑھیں