عمران خان کے بیان کیخلاف ملک بھر میں ایم کیو ایم کا احتجاج -
The news is by your side.

Advertisement

عمران خان کے بیان کیخلاف ملک بھر میں ایم کیو ایم کا احتجاج

اسلام آباد: متحدہ قومی موومنٹ کے قائد الطاف حسین کے خلاف عمران خان کی شدید تنقید پر ملک کے مختلف شہروں میں کارکنوں نے احتجاجی مظاہرے کرکے اپنے قائد الطاف حسین سے یکجہتی کا اظہار کیا۔

اپنے قائد الطاف حسین کے خلاف تحریک انصاف کے سربراہ عمران خان کے بیان پر ایم کیو ایم کےکارکنوں کا پارہ ہائی ہو گیا۔ شہر شہر احتجاج کیا اور پی ٹی آئی کے سربراہ کے خلاف نعرے بلند کئے۔

ایم کیو ایم کے کارکنوں نے اسلام آباد پریس کلب کے باہر مظاہرہ کیا اور تحریک انصاف کے سربراہ عمران خان کے خلاف شدید نعرے بازی کی، کارکنوں کا کہنا تھا کہ الطاف حسین کے خلاف بیانات کا سلسلہ بند کیا جائے۔

ایم کیو ایم شمالی پنجاب کے رہنما سردار عتیق الرحمان اور رکن کشمیر اسمبلی طاہر کھوکھر نے مظاہرین سے خطاب کرتے ہوئے کہا کہ الطاف حسین کے خلاف بیان بازی بند کرائی جائے۔

ایم کیو ایم کے خلاف سازشوں کا جال بچھایا جارہا ہے جسے کامیاب نہیں ہونے دیا جائے گا۔ ان کا کہنا تھا کہ ایم کیو ایم میں مائنس ون کا فارمولا کسی صورت قبول نہیں ۔

ملتان میں بھی ایم کیو ایم کے قائد الطاف حسین کیخلاف عمران خان کے بیان پر احتجاجی ریلی نکالی گئی۔ایم کیوایم کے رہنماؤں کا کہنا تھا ایم کیوایم کے کارکن اپنے قائد الطاف حسین کے خلاف نازیبا الفاظ برداشت نہیں کریں گے ۔

رحیم یار خان میں ایم کیو ایم کے کارکنوں نے پریس کلب کے باہر مظاہرہ کرکے الطاف حسین سے اظہار یکجہتی کیا۔ سیالکوٹ کے چہار روڈ پر بھی ایم کی ایم کارکنان نے الطاف حسین کی حمایت میں ریلی نکالی اورپی ٹی آئی کے سربراہ عمران خان کے خلاف نعرے بازی کی۔

Comments

comments

یہ بھی پڑھیں