The news is by your side.

Advertisement

عمران خان ہارس ٹریڈنگ کے خلاف اپنا کردارادا کریں، پرویزرشید

اسلام آباد: وفاقی وزیراطلاعات پرویزرشید نے عمران خان کو ملک سے ہارس ٹریڈنگ کے خاتمے کے لئے ان کا کردار ادا کرنے کی دعوت دے دی۔

تفصیلات کے مطابق اسلام آباد میں میڈیا سے گفتگو کرتے ہوئے پرویز رشید کا کہنا تھا کہ عمران خان پارلیمنٹ میں آئیں اورہارس ٹریڈنگ کے خاتمے کے لئے کی جانے والی آئینی اور قانونی اصلاحات میں حصہ لیں۔

وفاقی وزیرکا کہنا تھا کہ ملک کو طویل عرصے سے جاری اس لعنت کے خاتمے کی ضرورت ہے۔ انہوں نے مزید کہا کہ ’ شوآف ہینڈ‘ کے ذریعے انتخاب سے سب سے زیادہ فائدہ عمران خان کو ہی ہوگا۔

انہوں نے کہا کہ مسلم لیگ ن کی حکومت ہی وہ پہلی حکومت تھی جس نے 1997میں فلور کراسنگ کا راستہ روکنے کی کوشش کی تھی۔

انہوں نے کہا کہ سب سے زیادہ ہارس ٹریڈنگ کی شکایت کے پی کے میں ہے۔

انہوں نے یہ بھی بتایا کہ مسلم لیگ ن نے سینئر رہنما اسحاق ڈار کو ہارس ٹریڈنگ کے معاملے پرعمران خان سے مذاکرات کا ٹاسک سونپا ہے۔

وفاقی وزیر نے دعویٰ کیا کہ مسلم لیگ ن ہارس ٹریڈنگ کی سب سے بڑی مخالف ہے۔

پرویزرشید نے گفتگو کے اختتام پرامید ظاہرکی کہ 2015 میں کوئی احتجاج نہیں ہوگا۔

Print Friendly, PDF & Email

Comments

comments

یہ بھی پڑھیں