site
stats
آزادی مارچ

عوامی تحریک کے واپس جانے پر افسوس ہوا، عمران خان

اسلام آباد: عمران خان کا عوامی تحریک کے دھرنے کے شرکاء کو خراج تحسین، کپتان کہتےہیں جنگ فیصلہ کن مرحلے میں داخل ہوگئی ہے۔

ڈی چوک پر دھرنے کے شرکاء سے خطاب کرتے ہوئے عمران خان کا کہنا تھا کہ اب کوئی طاقت نیا پاکستان بننے سے نہیں روک سکتا، نوازشریف کا استعفٰی لیے بغیر نہیں جاؤنگا۔

عمران خان نے کہا کہ حقوق کی جنگ فیصلہ کن مرحلے داخل ہوگئی، پاکستان عوامی تحریک کے واپس جانے پر افسوس ہے، واضح ہو گیا طاہرالقادری اور ہمارا مقصد الگ الگ تھا۔

عمران خان نے کہا کہ دھرنا مظلوم اور کمزور لوگوں کی آواز بلند کرنے کیلئے ہے، اگلے پلان میں عوام کے سمندر کو کوئی نہیں روک سکے گا۔ اگر بادشاہت کیخلاف نہ اٹھے تو یہ اسی طرح ملک لوٹتے اور بچوں کو بادشاہ بناتے رہیں گے جب تک میرے اندر جان ہے یہاں رہوں گا۔

عمران خان کا مزید کہنا تھا ہم حقیقی جمہوریت کی جنگ لڑ رہے ہیں اور دوسری طرف بادشاہت ہے، یہ وقت فیصلہ کن ہے 11 کروڑ پاکستانی دو وقت کی روٹی نہیں کھا سکتے، ڈھائی کروڑ بچے اسکول نہیں جاتے ملک لوٹا جا رہا ہے، ان کا کہنا تھا کور کمیٹی کو بتا دیا تھا کہ نواز شریف کے استعفے تک بیٹھوں گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top