لاہور: پاکستان عوامی تحریک کےدس کارکنان کی درخواست ضمانت لاہور ہائیکورٹ نے مسترد کرتے ہوئے ٹرائل کورٹ سے رجوع کرنے کا حکم دیا ہے۔
ہائیکورٹ کے تین رکنی بنچ نے درخواست ضمانت کی سماعت کی۔ درخواست گزاروں عابد حسین، وقاص، عبدالرحمٰن اور سید اخلاق سمیت دس ملزمان نے مؤقف اختیار کیا کہ پولیس نے سیاسی بنیادوں پر مقدمہ قائم کیا۔
ان کا واقعات سے کوئی تعلق نہیں، اس لئے ضمانتیں منظور کی جائیں۔ عدالت نے دلائل مکمل ہونے پر درخواست مسترد کرتے ہوئے ٹرائل کورٹ سے رجوع کرنے کا حکم دیدیا۔
پاکستان عوامی تحریک کے کارکنوں کے خلاف بھیرہ میں دو پولیس اہلکاروں کو قتل اور توڑ پھوڑ کرنے کے الزام میں مقدمہ درج ہے۔
