site
stats
پاکستان

عوامی مسائل حل نہ ہوئے تو فسادکا خدشہ، فاروق ستار

کراچی: ایم کیو ایم کی صفائی مہم کے تیسرے روز چھ اضلاع کی گلیوں کو چمکایا گیا،ایم کیو ایم کا دعوی ہے کہ تین دن میں پندرہ ہزار ٹن کچرا اٹھایا جا چکا ہے، فاروق ستار کہتے ہیں کہ عوامی مسائل حل نہ ہوئے تو فسادات ہونے کا خدشہ ہے۔

متحدہ کی صفائی مہم تیسرے روز بھی کراچی کے چھ اضلاع میں گلی گلی جاری رہی، متحدہ رہنمائوں اور کارکنان نے عوام کے ساتھ مل کر جھاڑو لگائی اور کچرے کو آرام گاہ تک پہنچایا ۔

ایم کیو ایم نے دعوی کیا ہے کہ شہر سے اب تک پندرہ ہزار ٹن کچرا اٹھایا جا چکا ہے، فارق ستار نے کہا کہ عوامی مسائل حل نہ ہوئے تو فسادات ہونے کا خدشہ ہے۔

نامزد مئیر وسیم اختر بھی صفائی مہم میں پیچھے نہ رہے، دیواروں پر رنگ بھی کیا اور صفائی کے انتظامات کا جائزہ بھی لیا، نامزد مئیر نے صفائی مہم میں سیاسی جماعتوں سمیت عالمگیر کو بھی تعاون کی دعوت دے دی ۔

متحدہ رہنماوٗں نے اس عزم کا اظہار کیا ہے کہ ایک مہینے میں شہر کو صاف کر دیں گےاور اگر اختیارات نہ ملے تو پھر احتجاج بھی ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top