The news is by your side.

Advertisement

عید الاضحیٰ پر 300ارب روپے کے جانور قربان کئے

کراچی : رواں سال عید الاضحیٰ کے موقع پر تین سو ارب روپے کے جانور قربان کئے گئے جب کہ بارہ سے چودہ ارب روپے کی کھالوں کے سودے متوقع ہیں۔

کراچی چیمبر آف کامرس کے مطابق رواں سال عید الاضحیٰ پر تقریبا پچھتر لاکھ جانور ذبح کیے گئے ہیں، جن کی مالیت تین سو ارب روپے تک ہوسکتی ہے۔

اعداد وشمار کے مطابق رواں سال ایک گائے اوسط قیمت ساٹھ سے سترہ ہزار جبکہ بکرا تیرہ سے سولہ ہزار روپے میں فروخت ہوا، اس سال ملک بھر میں گائے کی تیس لاکھ تک جبکہ بکروں کی پینتیس لاکھ اور دنبوں کی دس لاکھ کھالیں جمع ہونے کی توقع ہے۔

ٹینرز انڈسٹری کے ذرائع کے مطابق اس سال ملک بھر سے بارہ سے چودہ ارب روپے کی کھالیں خریدی جا سکتی ہیں، جس میں کراچی کا حصہ چھ ارب روپے بنتا ہے۔ کھالوں کی خریداری کے لیے ٹینریز مالکان اور فلاحی انجمنوں کے درمیان عیدِ قرباں سے قبل ہی سودے طے کرلیے جاتے ہیں۔

Print Friendly, PDF & Email

Comments

comments

یہ بھی پڑھیں