The news is by your side.

Advertisement

عید میلادالنبی کے جلوسوں کی سیکیورٹی کے انتظامات مکمل

عید میلادالنبی ﷺ کے موقع پر ملک بھر میں منعقد کی جانے والی محافل میلاد اور جلوسوں کو سیکورٹی فراہم کرنے کے لیے اقدامات کر لیے گئے ہیں۔

رحمت اللعالمین حضرت محمد ﷺ کی ولادت باسعادت کے موقع پر شمع رسالت کے پروانے بارہ ربیع الاول کو جشن منائیں گے اور ملک کے چھوٹے بڑے دیہات ، قصبوں اور شہروں میں جلوس نکالے جائیں گے۔

اس موقع پر سیکورٹی کے خصوصی انتظامات کر لیے گئے ہیں ، ملک بھر میں جلوسوں کی گزرگاہوں کو بم ڈسپوزل اسکواڈ سے کلئیر کرایا جائے گا، جلوسوں کی سیکورٹی کیلئے پولیس اور رینجرز کی بھاری نفری تعینات کی جائے گی۔

کراچی سمیت سندھ بھر میں پندرہ جنوری تک موٹرسائیکل کی ڈبل سواری پر پابندی عائد کر دی گئی ہے، حکومت سندھ نے بارہ ربیع الاول کو صبح سے رات تک موبائل فون سروس بند رکھنے کی بھی سفارش کی ہے، اسلحے کی نمائش اور نقل و حمل کے خصوصی اجازت نامے بھی منسوخ کر دیئے گئے ہیں۔

پشاور میں افغان مہاجرین کے داخلے پر پابندی ہوگی اور رنگ روڈ اور علاقہ غیر سے ملحقہ علاقوں میں سیکورٹی فورسز کی اضافی نفری تعینات کی جائے گی۔

Print Friendly, PDF & Email

Comments

comments

یہ بھی پڑھیں