The news is by your side.

Advertisement

عید کے بعد سندھ میں بنیادی حقوق کی تحریک چلائی جائے گی ، فاروق ستار

کراچی: ایم کیو ایم کے رہنما ڈاکٹرفاروق ستارکا کہنا ہے کہ چودہ اگست کو اسلام آباد میں انقلاب کی تحریک چلے گی تو سندھ میں عوا م کے بنیادی حقوق کی تحریک چلائی جاسکتی ہے۔

کراچی میں رنچھوڑلائن سیکٹر کی جانب سے الطاف حسین کی ہدایت پر عمائدین شہر کے لیے افطار ڈنر کا اہتمام کیا گیا جس میں اراکین رابطہ کمیٹی و صوبائی اسمبلی،تاجر برداری سمیت شہریوں کی بڑی تعداد نے شرکت کی۔ تقریب سے خطاب میں ڈاکٹرفاروق ستار کا کہنا تھا کہ عید کےبعدایم کیو ایم عوام کے بنیادی مسائل اور بلدیاتی مسائل کیلئے احتجاجی تحریک کا راستہ اختیار کرسکتی ہے۔ چودہ اگست کو اسلام آباد میں انقلاب کی تحریک چلے گی تو سندھ میں عوام کے بنیادی حقوق کی تحریک چلے گی۔

ڈاکٹر فاروق ستارکاکہنا تھا کہ کراچی جیسے بڑے میٹروپولیٹن شہر کا کوئی میئر نہیں۔ سندھ کےحکمران صوبےکودونوں ہاتھوں سے لوٹ رہے ہیں۔کراچی کو اسکا جائز حصہ ملے تو وفاق کے سامنے ہاتھ نہ پھیلانا پڑیں۔

متحدہ رہنمائوں کا کہنا تھا کہ حکمرانوں کو صاف پانی، امن وامان ، صحت سمیت بنیادہ حقوق کی فراہمی کے لیے اقدامات کرنے ہونگے تاکہ عوام کی بڑھتی ہوئی احساس محرومی کو ختم کیا جا سکے۔

Print Friendly, PDF & Email

Comments

comments

یہ بھی پڑھیں