The news is by your side.

Advertisement

عید کے موقع پروزیرِاعظم سیلاب متاثرین کی بحالی کے لئے پرعزم

ناروال، پنجاب: وزیرِاعظم نواز شریف نے عید کے روز سیلاب متاثرہ علاقوں کے دورے کے دوران خطاب کرتے ہوئے کہا کہ سیلاب سے ہونے والے تمام تر نقصان کا ازالہ کی اجئے گا۔

ناروال میں عید کے موقع پر گفتگو کرتے ہوئے ان کا کہنا تھا کہ حکومت بہت جلد سیلاب سے متاثرہ افراد کے مکانات تعمیرکرکے انہیں ان کے  گھروں میں آباد کرے گی اور اس کے ساتھ ہی مستقبل میں ایسے واقعات کے سدِ باب کے لئے اقدامات بھی کئے جائیں گے۔

وزیرِ اعظم نے کہا کہ سیلاب متاثرین کو پچیس ہزارروپے فی خاندان ادا کئے جاچکے ہیں اور باقی ماندہ متاثرین کو بھی جلد ہی ادائیگی یقینی بنائی جائے گی۔

اسلام آباد میں جاری دھرنے پرتنقید کرتے ہوئے کہا کہ ’وہ لوگ جو پاکستان کو ترقی کرتے نہیں دیکھنا چاہتے انہیں شکست ہوگی‘۔ وزیرِاعظم نے ملک کو ترقی کی شاہراہ پر گامزن کرنے کے کی حکومتی ذمہ داری کو احسن طریقے سے انجام دینے کے عزم کا اعادہ کیا۔

نوازشریف نے کوئی ٹائم فریم دئیے بغیر حکومتی مؤقف دہرایا کہ بجلی کے بحران کا یقینی خاتمہ کیا جائے گا۔،

انہوں نے سیلاب متاثرین کے ساتھ عیدمناتے ہوئے فخرکا اظہار کیا اوروزیرِاعلیٰ پنجاب کی سیلاب متاثرین کے لئے کی جانے والی کاوشوں کو بھی سراہا۔

وزیرِاعظم کا کہنا تھا کہ عید کے اس پرمسرت موقع پرہم اپنے جوانوں کو بھی دعاؤں میں یاد رکھتے ہیں جو شمالی وزیرستان میں ملک کی بقا کی جنگ لڑ رہے ہیں۔

Print Friendly, PDF & Email

Comments

comments

یہ بھی پڑھیں